COSMOGLOTTA Biblioteca
Preservation del Publicationes Occidental.

International Memorandum Nró. 7 October 21, 2009

INTERNATIONAL MEMORANDUM
REVUETTE DE BRITISH INTERLINGUE ASSOCIATION

No. 7 April- Junio. 1951

=============================================================

LI ELEGIE

“The curfew tolls the knell of parting day.”

Tis es forsan li max conosset paroles in anglesi poesie; certmen li poema quel seque ti unesim linea es inter li max citat in nostri lingue. It esset ante 200 annus, in 1751, que li “Elegie in un Rural Sepultoria” esset editet. It contene solmen 128 verses ma Thomas Gray (1716 – 1771) laborat pri it durant mult annus, poliente it till que omni frase es exquisitmen expresset, perfect in li selection de paroles e harmoniosi in son. Li eclesia quel stimulat li imagination del poete esset ti de Stoke Poges, quel esset tande un quiet litt rural eclesia, situat in li medie de un bell e suavi paisage. Li poema es plen del delicies quel natura da a contemplativ mentes e noi vide passar lli sesones in su glorie, nocdte e jorne, durant que li avies pipia in li verdi árbores.

Ti coses tamen es regardat solmen quam li funde al plu important moralisation pri li vive e li morte, e ti union tant caracteristic del epoca, es to quo emoe nos hodie. Ti stil facilmen devenit arid, e sinceritá desaparit. In li ovre de Gray, benque su verses es lli verses de un erudite, noi trova un genuin simpatie a homanité. Il laude lli quiet retirat vives del honest popul quel serchat null honores ma esset cdontent con su humil omnidiari deventies e plesuras.

Stoke Poges es nu circumdat per domes e poc homes alcú injoya li indisturbat statu del ruranes de Gray. Noi vive in un munde de bruida e inamicitá. Li eventus quel sucusse imperias efecta li fates de omnes. Noi ne posse fugir li resultates de national jalusies e timores o li rival statal politicas. Li simplicditá e li bellitá del “Elegie” amemora nos pri altri valores perdit durant un poc tempor, ma quel va alquande denov reyer li homan cordie.

John Huntley

Share This Post Comments Off