About COSMOGLOTTA Biblioteca
Preservation del Publicationes Occidental.
Feed Subscriptions
Occidental-Interlingue usat plu quam 85 annus!
It esset ante ottanti-quin annus in februar 1922 que li unesim numeró de Kosmoglott aparit in Reval, e talmen comensat li public histories de nor lingue.
Su ver comensament támen evenit ancor trianti annus plu tost, quande li yun Edgar de Wahl interessat se in li nov constructet lingue, Volapük, quel vell demolir por sempre li lingual barrieras inter omni popules.
Tra mult experienties e pos long annus de studie e experiment il aproximat se al ver solution del problema, ma il constantmen serchat un plu profund conossentie del scientie de interlinguistica, e mem in 1922 il ne vell har publicat su sistema si li Liga de Nationes ne vell har oficialmen considerat li question de un international lingue.
Il ne regardat su ovre quam complet mem pos ti mult annus de studie. Bentost un circul de coidealistes colectet se circum li gazette. Ili ne havet spess dictionariums ni grammaticas, ma ili omnis usat un presc identic lingue. To esset un testimonie del rectitá del fundamental labore de Edgar de Wahl.
In prim li gazette esset apert a omni mundllinguistes e ili posset usar tal idioma qual ili preferet. Nor lingue dunc nascet in li spíritu de líber discussion e exploration. Poy quande li bases semblat secur Cosmoglotta esset consacrat al developation del unic lingue, Occidental-Interlingue. Li crescent númere de colaboratores ex diversi linguistic gruppes inrichat li vocabularium e pruvat li aptitá de Occ-Ile por omni medies de comunication.
Esperantistes e Idistes, aconosente li superioritá de Occ-Ile, adheret al lingue.
Por directer li developation del lingue on constituet un Comité Explorativ del Lingue International Auxiliari (CELIA) [Un gruppe de INTERlinguistes vice li IALA gruppe de linguistes.] In 1935 li Occidental-Union esset organisat por unir omni adherentes. Hodíe li organisation in Europa es li Interlingue-Union. E in li Americas nu es li Au.L.I. Universitá por li propagation del lingue Occidental-Interlingue.
Gruppes esset format in diversi landes, e li sam occure hodíe tra li munde. It es un notabil facte que, malgré su predominant romanic caractere Occ-Ile ha ganiat li apoy de mult homes de slav e teutonic orígine.
Durante li guerre del munde li Interimari Academie functionat in Svissia por li perfectionament de Occ-Ile, e alor li plen Academie cuida pri li detallies de nor lingue. Ma, hodíe li lingue es sat perfectet que noi ne have li necessitá por li Academie.
Finalmen, ples abonnar al COSMOGLOTTA Biblioteca por far commentes e pro presentar vor idés in e pri Occidental-Interlingue.
