About COSMOGLOTTA Biblioteca
Preservation del Publicationes Occidental.
Feed Subscriptions
UN DECLARATION
Yo have li grand plesur anunciar que, pos profund studia, yo ha nu definitivmen abandonat Ido por adherer a Occidental-Interlingue. Yo do saluta respectosmen omni collegos in ti movement, e specialmen senior de Wahl in Tallinn.
Yo opine que it ne es necessi far excusas o explicar pro quo yo fa ti passu; preferibilmen it vell esser plu bon dir pro quo yo veni tam tard a Occidental-Interlingue:
Bentost, pos mi adhesion a Ido, yo interprendet un Ido-Ido encyclopedic lexico, e yo ha sentit sempre un vole ne abandonar un obliga unvez comensat. Ma durant ti annus, pro li insatisfant caractere e mult insoluet problemas de Ido, yo gradualmen devenit conscient que it va esser impossibil ignorar Occidental-Interlingue.
Finalmen yo decidet finir li section “Astronomie” — quel occupat me ancor 8 mensus — e tande devoer mi tot tempor al plu modern sistema por vider ca yo vell devenir deceptet per it. Nu pos 10 mensus con Occidental-Interlingue, yo constata un sempre crescent plesur in studiar e usar ti genial e fascinant lingue.
In conclusion yo prende li libertá recomendar a mi ancian Idistic colleges far li sam experiment.
London, septembre 1934.
H. D. Akerman,
Ex-membre del Ido-Academio
