About COSMOGLOTTA Biblioteca
Preservation del Publicationes Occidental.
Feed Subscriptions
Yo have li grand plesur anunciar que, . . .
pos profund studia, yo ha nu definitivmen abandonat Ido por adherer a Occidental. Yo do saluta respectosmen omni collegos in ti movement, e specialmen senior de Wahl in Tallinn.
Yo opine que it ne es necessi far excusas o explicar pro quo yo fa ti passu; preferibilmen it vell esser plu bon dir pro quo yo veni tam tard a Occidental: Bentost, pos mi adhesion a Ido, yo interprendet un Ido-Ido encyclopedic lexico, e yo ha sentit sempre un vole ne abandonar un obliga unvez compensat. Ma durant ti annus, pro li insatisfant caractere e mult insoluet problemas de Ido, yo gradualmen devenit conscient que it va esser impossibil ignorar Occidental.
Finalmen yo decidet finir li section “Astronomie” — quel occupat me ancor 8 mensus — e tande devoer mi tot tempor al plu modern systema por vider ca yo vell devenir deceptet per it. Nu pos 10 mensus con Occidental, yo constata un sempre crescent plesur in studiar e usar ti genial e fascinant lingue.
In conclusion yo prende li libertá recomendar a mi ancian Idistic collegos far li sam experiment.
London, septembre 1934
H. D. Akerman,
Ex-membre del Ido-Akademio
