About COSMOGLOTTA Biblioteca
Preservation del Publicationes Occidental.
Feed Subscriptions
Metodes de combatte? . . . .
** Li section Biel del “Europa-Union” arrangeat ye li 18 februar un vésper de discussion pri li problema del introduction de un Lingue international.
Sr. Dr. Jaccard, Zürich, president del Sviss Esperanto-Societé parlat pri “Esperanto quam mundlingue” durant que nor coidealist sr. Denzler de Bienne tractat li tema: Pro quo yo transit de Esp-o a Occidental?
Li exposé de sr. Jaccard esset ramarcabilmen objectiv. Il aconosset li plu grand internationalitá de Occidental, ma oposit a ti factor de superioritá li facilitá de Esp-o.
Nu noi save que ti “facilitá” es un pie supersticie; li esperantistes save to plu bon quam quicunc e it es apen necessi insister. Sr. Denzler ne havet mult pena por monstrar li superioritá de Occidental sur li altri projectes de L.I. Regretabilmen pluri fanaticos esperantistic perdit lor self-control durant li discurs de nor coidealist. Un de ili, incapabil refutar li argumentes linguistic del representant de Occidental, exaltat in revancha li celebri “ideo interna del Esperantismo” e pulsat su intolerantie til acusar noi Occidentalistes har sabotat li munde-pace e esser con-responsabil pri li guerre universal!
Justmen indignat, nor amico Möckli quel anc partiprendet li reunion, oposit li agressivitá de ti fanatico a su assertet pacifism. Noi Occidentalistes have mult amicos inter nor coidealistes esperantistic e noi desira viver in pace con tis-ci, ma esque ili ne senti self que it vell esser recomendabil, in lor propri interesse, evitar tam deplorabil metodes de combatte, escartante in futur de public discussiones elementes queles, per lor fanatisme infrenat deshonora li movement espistic?
=========
SUBVENTIONES E CONTRIBUTIONES RECIVET (30.3.42)
Dr. H. Nidecker, Fr. 5.–; F. Haller, Fr. 1.–; Ed. Mayor, Fr. 1.50; Dr. C. E. Sjöstedt, Fr. 3. –; K. Hamburger, Fr. 2.–; E. Jenny, Fr. 4.–; K. Müller, Fr. 1.–; D. A. Morris, Fr. 3.–; A. Portmann, Fr.–; H. Björkman, Fr. 4.–.
SUBVENTIONES E CONTRIBUTIONES RECIVET (31.10.42)
Sr. Hamburger, 5.–; C.E. Sjöstedt, Fr. 3.–; A. Palmqvist, Fr. 3.–; Ed. Mayor, Fr. 1.50; A. Brand, Fr. 17.80; A. Debrunner, Fr. 2.–; A. Lundgren, Fr. 2.–; . . . etc.
SUBVENTIONES E CONTRIBUTIONES RECIVET (30.4.42)
Sra. D. A. Morris, Fr. 27.–; etc.
